(c)
Краязнаўства Гомеля і вобласціСпіс экскурсій:
23 красавіка, субота1) "Мой Гомель" - асабісты погляд на горад над Сожам барда Андрэя Мельнікава.
Пачатак у 10.00 каля скульптуры габрэя з чамаданам ля ўвахода ў падземны пераход між вакзаламі з боку прывакзальнай плошчы.
2) "Скрыжаванні сусветаў: літаратурная прастора і прастора горада" ад Сяргея Балахонава
читать дальше
Знаёмыя сцяжынкі — нечаканы кантэкст. Займальная прагулянка ад пісьменніка Сяргея Балахонава па гомельскіх мясцінах, вобразы якіх з'яўляліся ў літаратурных творах розных часоў. Вершы, эсэ, раманы і нават летапісы. Ад Мацея Стрыйкоўскага да Ільі Эрэнбурга і Івана Шамякіна. Ад Андрэя Мрыя да Казіміра Камейшы і Югасі Каляды. Дый пра свае ўласныя творы з водарам Гомеля пан экскурсавод згадаць не праміне. А таму чакайце гісторый пра гомельскі след спецназаўца Скарыны, ліпеньскі снег капітана Мантгомэры, клопаты доктара Брылеўскага і іншае. Ласкава запрашаем! Месца пачатку: вул. Пушкіна, 32, каля "Паляўнічага дамка" ў 14:00
3) "Кварталы гомельскай эліты: былыя вуліцы Міліённая, Крушэўская і інш." ад Марыі Булавінскай
Аматары прагуляцца і паслухаць цікавыя аповеды ад Марыі сустракаюцца ля фантана на вул. Білецкай ў 16:30.
24 красавіка, нядзеля1) "Таямніцы і скарбы Шведскай горкі" ад Яўгена Малікава
читать дальше
Мала хто з гомельцаў ведае, што ў нашым горадзе ёсць помнік архітэктуры (!) якому 2500 гадоў (!) і ён амаль равеснік старажытнага Рыма! Але Гомель - не Рым, і адпаведна помнік у нас - трохі адрозніваецца ад рымскіх...
І тым болей ніхто не ведае, што па сваіх паданнях, гістарычных падзеях і краявідах Шведская горка - адно з самых рамантычных месцаў нашага горада!
А вось падрабязней пра яе таямніцы і скарбы можна будзе даведацца на экскурсіі 24 красавіка. Спяшайцеся, бо побач ужо вырас аднайменны мікрараён і ці захаваецца гістарычная Шведская горка ў будучым - пытанне адкрытае...Месца і час збора - у 13:00 каля помніка Воінам-інтэрнацыяналістам у мікрараёне Любенскі (праезд ад вакзала аўтобусам №1 да прыпынка "Вуліца Жукава".
2) "Гомель: ад базара да Леніна" ад Сяргея Ляпіна
читать дальше
Архітэктар і краязнаўца Сяргей Ляпін правядзе экскурсію, прысвечаную гісторыі сучаснай плошчы Леніна.
Расповед Сяргея дазволіць даведацца, дзе на плошчы знаходзіліся гандлёвыя рады, дзе стаялі касцёл і пажарная каланча. Экскурсія пачнецца ў 17.30, збор ля помніка Кірылу Тураўскаму.